ТҰРАҚТЫ КОМИССИЯЛАРДЫҢ БІРЛЕСКЕН ОТЫРЫСЫ

Жетінші шақырылымдағы Шымкент қаласы мәслихатының кезектен тыс он тоғызыншы сессия алдындағы бірлескен тұрақты комиссиялар мәжілісі өтті. Жиынды Шымкент қаласы мәслихатының хатшысы Бахадыр Нарымбетов жүргізіп, күн тәртібіндегі 2 мәселені қарады.
Олар:
1. «2022-2024 жылдарға арналған Шымкент қаласының бюджеті туралы» 2021 жылғы 13 желтоқсандағы №12/92-VII Шымкент қаласы мәслихатының шешіміне өзгерістер енгізу туралы;
2. Қазақстан Республикасы Үкіметінің жанындағы Республикалық ономастика комиссиясының қарауына Шымкент қаласында құрылған бесінші ауданға атау беру бойынша ұсыныс енгізу туралы.
Жиынға қала әкімдігінің мүшелері мен тиісті басқарма басшылары қатысты. Бірлескен мәжілісте басқарма басшылары жоғарыда көрсетілген мәселелер бойынша баяндама жасады. Сонымен қатар Шымкент қаласында құрылған бесінші ауданға «ТҰРАН» атауын беру сессия қарауына ұсынылды.
Өз кезегінде депутаттар баяндамашыларға бір қатар сауалдар жолдап, тиісті шешімдер қабылдап шешім жобалары кезектен тыс он тоғызыншы сессияға ұсынылды.
Шымкент қаласы мәслихатының кезектен тыс он тоғызыншы сессиясы 2022 жылдың 19 шілде, сағат 10.00-де қала әкімдігінің үлкен мәжіліс залында, Шымкент қаласы, Nursultan Nazarbaev даңғылы, 10 мекен-жайында өтеді.
Шымкент қаласы мәслихатының баспасөз қызметі